Gəncəli I Qarabağ müharibəsi iştirakçısı, qazi Fərmayıl Mirzəyev uzun sürən xəstəlik səbəbilə dünyasını dəyişib.
Gencexeber.az-ın məlumatına əsasən, 64 yaşlı gəncəli qazi qaraciyər xərçəngindən vəfat edib. O, İmamzadə ziyarətgahında torpağa tapşırılıb.
Qeyd edək ki, F.Mirzəyev Gəncə şəhər 41 saylı tam orta məktəbin məzunu olub. Hərbi xidmətə başlamazdan əvvəl Rusiyada yaşayan veteran, müharibə zamanı vətənə qayıdaraq döyüşlərə qoşulub.
Döyüşlərdə sağ əlindən güllə yarası alıb, belində qəlpə qalıb. Aldığı xəsarətlər səbəbindən uzun illər çalışmayıb.
Döyüş yoldaşları ilə birlikdə ictimai birlik yaradıb və bu birliyin sədri seçilib.
Qeyd edək ki, mərhuma göstərdiyi xidmətlərə görə ölkə rəhbərliyi tərəfindən əlillər üçün nəzərdə tutulmuş mənzil və avtomobil də təqdim olunub.
