500 milyondan artıq istifadəçisi olan dünyaca məşhur PUBG oyununun Türkiyəyə aid 1,5 milyon izləyicisi olan rəsmi "Pubgmobile_tr" adlı "Instagram" səhifəsində gəncəli tiktoker, "Tomas Şelbi" ləqəbi ilə tanınan Nihat Səfərov paylaşılıb.
Gencexeber.az məlumat verir ki, sözügedən paylaşım oyuna əlavə edilən yeni "Thomas Shelby" hissəsi ilə bağlı olub və yumor məqsədi daşıyaraq oyunçular arasında maraq yaratmaq üçün hazırlanıb.
Qeyd edək ki, PUBG "battle royale" janrında şərti olaraq pulsuz mobil onlayn oyundur və "PUBG: Battlegrounds" adlı orijinal oyunun mobil versiyası hesab olunur.
Məlumat üçün bildirək ki, gəncəli Nihat Səfərov Britaniyanın məşhur "Peaky Blinders" serialının baş qəhrəmanı Tomas Şelbidən ilhamlanaraq Birinci Dünya Müharibəsindən sonrakı Qərbi Avropa kişi modasına xas üslubda geyinməsi ilə tanınıb.
Nihatı daha da fərqləndirən isə onun şəhər küçələrində sərgilədiyi qeyri-adi davranışları olub. Onun kiçik bir qonorar – təxminən 5 manat qarşılığında pişik səsləri çıxardığı görüntülər sosial şəbəkələrdə qısa zamanda yayılıb.
