Gəncədə teatrşünas-tənqidçi Anar Ərtoğrul Burcəliyevin yeni kitabı nəşr olunub.
Gencexeber.az məlumat verir ki, teatrşünas-tənqidçi Anar Ərtoğrul Burcəliyevin "Qayıtmayan igidim, Zəfərimin İlqarı" adlı yeni kitabı işıq üzü görüb. Kitab 44 günlük Vətən müharibəsi zamanı — 27 sentyabr 2020-ci il tarixində Talış kəndi, Talış yüksəkliyi və Suqovuşan istiqamətində gedən döyüşlərdə qəhrəmancasına şəhidlik zirvəsinə ucalan İlqar Vüqar oğlu Burcəliyevin əziz xatirəsinə həsr olunub.
Nəşrdə şəhid İlqar Burcəliyev haqqında döyüş yoldaşlarının, dostlarının və ailə üzvlərinin xatirələri yer alıb, onun qısa, lakin şərəfli döyüş yolu geniş şəkildə işıqlandırılıb. Eyni zamanda kitabda Ermənistanın Azərbaycanın tarixi torpaqlarına qarşı açıq ərazi iddiaları ilə çıxış etməsi və ölkəmizə qarşı həyata keçirdiyi hərbi təcavüz faktları da ətraflı şəkildə əks olunub.
Yeni nəşr olunan kitabın redaktorları Sailə Məhərrəmqızı, Vaqif Əmiraslan və Fuad Cavadzadədir.
