Şahmat üzrə qadınlar arasında Azərbaycan çempionatına yekun vurulub. Paytaxtda keçirilən yarışın son günündə qalib və mükafatçıların adlarına aydınlıq gəlib.
Gencexeber.az məlumat verir ki, çempionatın həlledici final qarşılaşmasında Ülviyyə Fətəliyeva və Ayan Allahverdiyeva üz-üzə gəliblər. Olduqca gərgin keçən mübarizənin taleyi tay-brekdə həll olunub.
Əlavə partiyalarda rəqibini 1,5:0,5 hesabı ilə üstələyən Ülviyyə Fətəliyeva karyerasında ilk dəfə Azərbaycan çempionu tituluna yiyələnib.
Qeyd edək ki, Ülviyyə Fətəliyeva 3 avqust 1996-cı ildə Gəncə şəhərində doğulub və Gəncə şahmat məktəbinin yetirməsidir.
