Gəncə şəhər 17 saylı tam orta məktəbin 10b sinif şagirdi Səfərli Ramiz Tural oğlu beynəlxalq arenada Azərbaycanı uğurla təmsil edib.
Gencexeber.az bildirir ki, məktəbli "Shane Academy ilə Change The World 2025" layihəsi çərçivəsində Fransanın paytaxtı Paris şəhərində keçirilən nüfuzlu elmi konfransda iştirak edib.
Ramiz Səfərli fəal iştirakı, mövzuya yanaşması və analitik baxışına görə konfransın münsiflər heyəti tərəfindən "Honourable Mention" sertifikatı ilə təltif olunub.
Qeyd edək ki, "Honourable Mention" beynəlxalq tədbirlərdə ən uğurlu çıxış edən iştirakçılara verilən xüsusi fərqləndirmədir. "Change the World MUN" tədbiri isə gənclərin qlobal problemlərə elmi yanaşma, analitik düşüncə, araşdırma aparmaq, məntiqi arqumentlər qurmaq və elmi əsaslı həll yolları təqdim etmək bacarıqlarını qiymətləndirən nüfuzlu bir platformadır.
