Gəncə məktəblisi beynəlxalq olimpiadada uğur qazanıb.
Gencexeber.az-ın məlumatına görə, Gəncə şəhəri M.Mehdizadə adına 4 nömrəli xarici dil təmayüllü məktəb-liseyin 10-cu sinif şagirdi Rahilə Həsənova beynəlxalq "STEM" (Science, Technology, Engineering, Mathematics - Elm, Texnologiya, Mühəndislik və Riyaziyyat) olimpiadasında qızıl medala layiq görülüb.
İmtahan zamanı iştirakçıların elmi bilikləri, məntiqi və analitik düşünmə bacarıqları qiymətləndirilib. Yüksək nəticə göstərən Rahilə Həsənova olimpiadanın qızıl medalını qazanaraq məktəbini və şəhərimizi uğurla təmsil edib.
Qeyd edək ki, bu, Rahilənin ilk uğuru deyil. O, daha əvvəl də bir sıra beynəlxalq və yerli bilik yarışlarında fərqlənib:
– 5 Hi-Lingua English Olympiad;
– FISO English Olympiad;
– MUN konfransında "Best Delegate" mükafatı.
Onun nailiyyətləri əsasən elm, ingilis dili və liderlik sahələrini əhatə edir. Gənc redaksiyamıza bildirib ki, gələcəkdə də Azərbaycanı beynəlxalq səviyyədə layiqincə təmsil etməyə çalışacaq.
