Gəncənin sevilən və tanınan qiraətçilərindən olan Lalə Hasancan Türkiyədə keçiriləcək ədəbi gecədə çıxış edəcək.
Gencexeber.az məlumat verir ki, Türkiyənin Yazarlıq Akademiyası tərəfindən 24 mart tarixində Altınzadə Mədəniyyət Mərkəzində qiraət gecəsi təşkil olunacaq.
Sözügedən proqramda Gəncəli qiraətçi Lalə Hasancan da səhnə alacaq. Gecədə, həmçinin Türkiyəli çıxışçı Şərəf Yılmaz da iştirak edəcək.
Bildirilib ki, tədbirdə şeirin şüuraltı gücü əsas mövzulardan biri olacaq. Qiraət gecəsində Azərbaycan və Türkiyənin ortaq ədəbiyyat nümunələri səsləndiriləcək.
Təşkilatçıların əsas məqsədi iki qardaş ölkə arasında mədəni əlaqələrin daha da gücləndirilməsi, eyni zamanda ədəbiyyatın ölməzliyinin bu cür proqramlar vasitəsilə bir daha nümayiş etdirilməsidir.
