Vokal üzrə Respublika və Beynəlxalq müsabiqələr laureatı, gənc vokalçı Altun Süleymanov ilk solo konsertini təqdim edəcək.
Gencexeber.az-ın məlumatına görə, 6 dekabr 2025-ci il tarixində Maestro Niyazinin Mənzil-Muzeyində sənətçinin solo konserti keçiriləcək. Tədbir Azərbaycan Respublikası Mədəniyyət Nazirliyi, "İrəli" İctimai Birliyi və Azərbaycan Musiqi Mədəniyyəti Dövlət Muzeyinin təşkilatçılığı ilə keçiriləcək. Konsertə giriş sərbəstdir.
Konsert proqramında Azərbaycan və dünya bəstəkarlarının vokal əsərləri, klassik rus romansları, operalardan seçilmiş ariyalar, həmçinin müxtəlif üslublara aid musiqi nümunələri səsləndiriləcək.
Gənc ifaçını səhnədə Azərbaycan Milli Konservatoriyasının pedaqoqu, təcrübəli konsertmeyster Rəhimə Qurbanova piano ilə müşayiət edəcək.
Altun Süleymanov redaksiyamıza açıqlamasında bildirib ki, bu onun ilk solo konsertidir və bütün həmyerlilərini həmin gün konsertdə görməkdən məmnun olacağını vurğulayıb.
