Bu gün gəncəli aktyor Salam İsmayılın doğum günüdür.
Gencexeber.az məlumat verir ki, Gəncə Dövlət Dram Teatrının aktyoru Salam İsmayılın bu gün 75 yaşı tamam olur. Salamulla Xeyrulla oğlu İsmayılzadə 23 fevral 1951-ci ildə Gəncədə anadan olub. 1974-cü ildə Azərbaycan Dövlət İncəsənət İnstitutunun aktyorluq fakültəsini bitirib.
1974–1976-cı illərdə "Azərbaycanfilm" kinostudiyasında rejissor köməkçisi vəzifəsində işləyib. 1977-ci ildən isə Gəncə Dövlət Dram Teatrında aktyor kimi fəaliyyət göstərib.
O, Teatr Xadimləri İttifaqının üzvü, "Qızıl Dərviş" mükafatının laureatıdır. Salam İsmayıl 30 dekabr 2015-ci ildə Azərbaycanın Əməkdar artisti fəxri adına layiq görülüb.
Aktyorumuz bir sıra film, serial və tamaşalarda rol alıb.
