Azərbaycanda qatlanan cib bıçaqlarının satışının qadağan olunması təklif edilib.
Apa.аz bildirir ki, bu təkliflə Milli Məclisin Gənclər və idman komitəsinin bu gün keçirilən iclasında Gəncənin deputatı Müşfiq Cəfərov çıxış edib.
Deputatın sözlərinə görə, gənclər və yeniyetmələr arasında bıçaqlanma hadisələri ilə bağlı statistika göstərir ki, bunlar daha çox cibdə gəzdirilən, qatlanan bıçaqlarla törədilir:
"Bu bıçaqların satışının, istifadəsinin qadağan olunmasını təklif edərdim".
Müşfiq Cəfərov qeyd edib ki, müəyyən oyunlar da uşaqların və yeniyetmələrin psixologiyasına təsir edir:
"Onların da qadağan olunması böyük əhəmiyyət kəsb edir. Bu qadağa uşaq və yeniyetmələr arasında ölüm hadisələrinin qarşısını almış olar".
