Oman Krallığının Salalah vilayətində keçirilən "DOFAR Beynəlxalq Teatr Festivalı"na Gəncə Dövlət Milli Dram Teatrının aktyoru Yusif Cəfərov fəxri qonaq qismində dəvət alıb.
Gencexeber.az məlumat verir ki, festivalın açılışı sentyabrın 14-də baş tutub. Tədbirdə müxtəlif ölkələrdən teatr kollektivləri, münsiflər heyəti və fəxri qonaqlar iştirak edir. Festivalın bağlanış mərasimi sentyabrın 22-də keçiriləcək.
Festivalda "Elit tamaşa", "Böyük Beynəlxalq tamaşa" və "DOFAR teatrı" kateqoriyaları üzrə ümumilikdə 150 min ABŞ dolları məbləğində Qran-Pri mükafatı təqdim olunacaq. Hər kateqoriyanın qalibinə 50 min dollar veriləcək.
Qeyd edək ki, Yusif Cəfərov həmçinin "Trabzon Beynəlxalq Teatr Festivalı"nın Beynəlxalq əlaqələr bölməsinə rəhbərlik edir.
