Xəbər verdiyimiz kimi, Gəncə şəhərinin 5-ci mikrorayon ərazisində, Üzeyir Hacıbəyli küçəsində yerləşən yarımtikili zibilliyə çevrilib.
Gencexeber.az bildirir ki, sözügedən ərazidə sakinlər tərəfindən yaradılan antisanitar vəziyyət Mənzil Kommunal Təsərrüfatı İstehsalat Birliyinin (MKTİB) əməkdaşları və texnikası vasitəsilə aradan qaldırılıb.
Qurumdan bildirilib ki, "Beta" şirkətinə məxsus binanın yaxınlığındakı bu ərazi uzun müddətdir baxımsız vəziyyətdə olub və yarıtıkilidə xoşagəlməz mənzərə mövcud olub.
MKTİB əhalidən xahiş edir ki, tullantıları hara gəldi deyil, təyin olunan yerlərə atsınlar.
