Gəncə şəhərində dayanacaqlarda yaranmış antisanitariya əhalinin narazılığına səbəb olub.
Gencexeber.az-a şikayət ünvanlayan sakinlərdən biri bildirir ki, xüsusilə Mustafa Kamal Atatürk prospektində yerləşən dayanacaqlardan biri acınacaqlı vəziyyətdədir.
"Dayanacağın yaxınlığında - cəmi 4 addımlıq məsafədə zibil qabı olmasına baxmayaraq, bəzi vətəndaşlar zibilləri birbaşa dayanacaqdakı pavilyonun içinə ataraq buranı çirkləndirirlər. Bu hal təkcə sözügedən ünvanla məhdudlaşmır, şəhərin digər dayanacaqlarında da oxşar vəziyyət müşahidə olunur. Bunu edənlər nə özlərinə, nə də o dayanacaqdan istifadə edənlərə hörmət qoyurlar. Başa düşmürlər ki, bura zibillik deyil", - şikayətçi qeyd edib.
Gəncəlilər aidiyyəti qurumlardan xahiş edir ki, bəzi vətəndaşlar tərəfindən yardaılan bu antisanitariya aradan qaldırılsın.
