Gəncə şəhəri "Kərpic zavodu" adlanan ərazidəki kortəbii şəkildə əmələ gəlmiş zibilxanada genişmiqyaslı təmizlik işləri aparılıb.
Gencexeber.az-ın məlumatına görə, əraziyə Gəncə şəhər Mənzil Kommunal Təsərrüfatı İstehsalat Birliyinin (MKTİB) əməkdaşları, eləcədə texnikaları cəlb edilib. Canlı qüvvənin gücü ilə məişət və digər tullantılar toplanaraq maşınlara yüklənib.
Bununla paralel olaraq məişət tullantılarının atılması üçün nəzərdə tutulan iri tutumlu konteynerlər boşaldılıb, ətrafları təmizlənərək səliqəli şəklə salınıb. Tullantılar aidiyyəti üzrə daşınıb.
