Gəncədə zəncirvari yol-nəqliyyat hadisəsi baş verib.
Gencexeber.az-ın məlumatına görə, hadisə şəhərin Nizami Gəncəvi prospektində qeydə alınıb. İlkin məlumata əsasən, evakuator iki "Mercedes" markalı minik avtomobili ilə toqquşub.
Zərbənin təsirindən avtomobillərdən biri idarəetməni itirərək yol kənarındakı işıq dirəyinə çırpılıb. Qəza nəticəsində nəqliyyat vasitələrinə ciddi ziyan dəyib.
Hadisə yerinə Dövlət Yol Polisi əməkdaşları cəlb olunub. Ərazidə təhlükəsizlik tədbirləri görülüb və nəqliyyatın hərəkəti qismən məhdudlaşdırılıb.
Faktla bağlı araşdırma aparılır, qəzanın dəqiq səbəbləri müəyyənləşdirilir.
