Gəncənin mərkəzi meydanını bəzəyən şam ağacı quraşdırılır.
Gencexeber.az-ın məlumatına görə, hündürlüyü 20 metrdən çox olan Yeni il simvolunu - yolka ağacının qurulması işlərinə start verilib. Qurğu Gəncə şəhər Mənzil Kommunal Təsərrüfatı İstehsalat Birliyinin Təmir-Tikinti və Qəza xidmətinin texnikaları və əməkdaşları tərəfindən qısa zamanda hazırlanacaq.
Həmçinin Dünya Azərbaycanlılarının Həmrəylik Günü və Yeni İlin gəlişi ilə əlaqədar Gəncə şəhərinin bir sıra prospekt və küçələrinin rəngli işıqlarla bəzədilməsi də gözlənilir.
Qeyd edək ki, paytaxt Bakıda və Sumqayıt şəhərində iri şam ağacları xeyli müddət öncə artıq ucaldılıb. Gəncədə Yeni il bayramı ilə əlaqədar şəhərin mərkəzində yolkanın hələ də qurulmaması isə sakinlər arasında narahatlıq doğurub.
