Azərbaycanda yeni məktəb binaları istifadəyə veriləcək və bununla bağlı tikinti işlərinə başlanılır.
İqtisadiyyat.аz-a bu barədə Elm və Təhsil Nazirliyindən məlumat verilib.
Belə ki, respublika üzrə 2 ədəd məktəbəqədər və 17 ədəd tam orta məktəb binaları tikiləcək, eləcə də 2 ədəd modul tipli tam orta məktəb binası quraşdırılacaq.
Nazirliyin sifarişi ilə təhsil müəssisələrinin tikinti-quraşdırılması ilə bağlı layihə-smeta sənədlərini "Design Project" şirkəti 2,5 milyon manata hazırlayacaq.
Həmin məktəblərdən biri də 360 şagird yerlik Gəncə şəhər 42 nömrəli tam orta məktəbdir.
