Yeni il ərəfəsində və qış tətili müddətində Gəncə şəhərində uşaqlar üçün maraqlı və əyləncəli bayram proqramları keçiriləcək.
Gencexeber.az bildirir ki, şəhərin mədəniyyət ocaqları balaca tamaşaçıları nağıllar, musiqili səhnə əsərləri və Yeni il ovqatı ilə dolu tədbirlərə dəvət edir.
Belə ki, Gəncə Dövlət Milli Dram Teatrında 29, 30 dekabrda və 1–5 yanvarda uşaqlar üçün "Şıltaq gəlincik" adlı musiqili nağıl-tamaşası nümayiş olunacaq. Tamaşalar hər gün saat 11:00, 12:30, 14:00 və 15:30-da təqdim ediləcək.
Gəncə Dövlət Kukla Teatrında isə 4 yanvar 2026-cı ilədək "Şaxta babanın ad günü" adlı qış nağılı göstəriləcək. Tamaşalar hər gün saat 11:00, 12:00, 13:00 və 14:00-da baş tutacaq.
