Gəncədə 5-ci mikrorayon adlanan yaşayış massivində, bina 31-in qarşısında inşa edilən qanunsuz tikili sakinlərin ciddi narazılığına səbəb olub.
Gencexeber.az-a şikayət ünavnlayan sakinlərin sözlərinə görə, heç bir sənədi olmayan bu tikili tam 4 yaşayış binasının ortasında yerləşir.
Sakinlər bildirir ki, ərazidə əvvəlcə daş hasar qurulsa da, bir müddət öncə hasar sökülüb:
"Lakin tikilinin özü hələ də yerində qalır. Evin tikintisinə təxmini 1 il əvvəl başlanılıb. Tikintini aparan şəxsin kim olduğunu bilmirik".
İddialara əsasən, tikilinin sənədsiz olması səbəbindən iş yarımçıq qalıb, lakin tikinti tam sökülmədiyi üçün sakinlərin narazılığı daha da artıb.
Eləcə də, sözügedən bina kompleksinin ətrafının baxımsız vəziyyətdə olduğu bildirilir. Sakinlər uzun müddət rəsmi qurumların heç bir tədbir görmədiyini söyləyirlər.
Məsələ ilə bağlı Gəncə Şəhər İcra Hakimiyyətində araşdırma başlanılıb.
