Azərbaycanın şəhərlərində ümumi istifadəyə açıq abadlaşdırılmış sahələrin payı və əhalinin bu sahələrə çıxış imkanları açıqlanıb.
Gencexeber.az rəsmi məlumatlara istinadən məlumat verir ki, ölkə üzrə Lənkəran şəhəri əhalinin abadlaşdırılmış açıq sahələrə çıxış imkanına görə ön sıradadır, əhalinin 64.2 faizi abadlaşdırılmış açıq ictimai sahələrə rahat çıxış imkanına malikdir.
Bu göstərici Gəncədə 18.9%, Mingəçevirdə 42%, Yevlaxda 36.4% təşkil edir
Şəhər ərazilərinin ümumi istifadəyə açıq hissələrinin xüsusi çəkisi şəhərlər üzrə fərqlənir. Gəncədə bu göstərici 15.1 faiz, Mingəçevirdə 3.6 faiz, Yevlaxda isə 20.3 faizdir.
Ümumi istifadəyə açıq abadlaşdırılmış sahələr dedikdə şəhər sakinlərinin istirahət və sosial fəaliyyət üçün istifadə edə biləcəyi parklar, meydanlar, xiyabanlar və digər əlverişli və rahatlaşdırılmış açıq sahələr nəzərdə tutulur.
