Gəncədə 26 Fevral — Xocalı Soyqırımı Günü münasibətilə anım tədbiri keçirilib.
Gencexeber.az məlumat verir ki, "Ana Harayı" abidəsinin qarşısında "Rəqs et - Dance School"un üzvü tərəfindən "Qərənfil rəqsi" ifa olunub. Hüzn dolu musiqi sədaları altında təqdim edilən kompozisiya Xocalı faciəsinin qurbanlarının xatirəsinə ithaf edilib.
Rəqs zamanı faciənin ağrısı və xalqımızın kədəri sənət dili ilə ifadə edilib. Tədbirə toplaşan şəhər sakinləri və gənclər ifanı sükutla izləyərək şəhidlərin xatirəsini ehtiramla yad ediblər.
Qeyd edək ki, hər il 26 Fevral tarixində ölkəmizin müxtəlif bölgələrində Xocalı Soyqırımı qurbanlarının xatirəsinə həsr olunmuş silsilə tədbirlər keçirilir.
