Gəncə-Daşkəsən Regional Mədəniyyət İdarəsinin təşkilatçılığı ilə Gəncə Memorial Kompleksində Xocalı Soyqırımının 34-cü ildönümü münasibətilə anım tədbiri keçirilib.
Gencexeber.az bildirir ki, tədbirdə İdarənin rəhbərliyi və əməkdaşları, tabeliyində fəaliyyət göstərən mədəniyyət müəssisələrinin kollektivləri, şəhid ailələri, qazilər, ictimaiyyət nümayəndələri, şəhər ziyalıları və Vətən müharibəsi zamanı ermənilərin Gəncəyə raket zərbələri zamanı yaralanan Bəxtiyar Heydərli də iştirak edib. Onu valideynləri və nənəsi həlak olan Nilay Əliyeva, eləcə də anasını və yaş yarımlıq bacısını itirən 5 yaşlı Xədicə Şahnəzərli müşaiyyət ediblər.
Tədbir çərçivəsində əvvəlcə kompleksdə şəhidlərin xatirəsinə ucaldılmış abidə ziyarət olunub, önünə gül dəstələri düzülərək onların əziz xatirəsi ehtiramla yad edilib.
Çıxış edənlər Xocalı soyqırımının unudulmayacağını və gələcək nəsillərə çatdırılmasının vacibliyini vurğulayıblar. Tədbir vətənpərvərlik ruhunda təqdim olunan ədəbi-bədii kompozisiyalarla yekunlaşıb.
