IV Gəncə Kitab Sərgisi keçiriləcək.
Gencexeber.az-ın məlumatına görə, ölkənin aparıcı nəşriyyatları, sevilən yazıçıları və tanınmış ictimai xadimlərinin iştirakı ilə IV Gəncə Kitab Sərgisini təşkil ediləcək. Tədbir 21, 22 və 23 noyabr tarixlərində Gəncə Dövlət Filarmoniyasının "Urban" Mərkəzində keçiriləcək.
Sərgidə yüzlərlə yeni kitab, müəlliflərlə görüşlər, təqdimatlar və uşaqlar üçün maraqlı tədbirlər sizi gözləyir.
Bu layihə Azərbaycan Respublikası Mədəniyyət Nazirliyi, Gəncə Şəhər İcra Hakimiyyəti və Gəncə–Daşkəsən Regional Təhsil İdarəsinin təşkilati dəstəyi ilə Azərbaycan Nəşriyyatlar Assosiasiyası (ANAİB) tərəfindən həyata keçiriləcək.
Təşkilatçılar Gəncə və ətraf bölgələrin bütün oxucularını kitab dolu 3 günlük sərgiyə dəvət edirlər.
