Antiterror əməliyyatı zamanı şəhid olan Dağbəyi Sabay oğlu Orucovun qardaşı Nahidin toyu keçirilib.
Gencexeber.az-ın məlumatına görə, mərasim Gəncə şəhərində restoranlarının birində baş tutub. Tədbirdə bəy və gəlinin yaxınları ilə yanaşı şəhid ailələri üzvləri iştirak ediblər.
Xatırladaq ki, Dağbəyi Orucov Azərbaycan Respublikasının Silahlı Qüvvələri tərəfindən 19 sentyabr 2023-cü il tarixində həyata keçirilmiş lokal antiterror tədbirləri zamanı Xocalı rayonunun Dağdağan kəndi istiqamətində gedən döyüşlərdə qəhrəmancasına şəhid olub.
Azərbaycan Respublikasının ərazi bütövlüyünün təmin olunmasında göstərdiyi yüksək peşəkarlıq, şücaət və mərdliyə görə Dağbəyi Orucov Azərbaycan Respublikası Prezidentinin sərəncamı ilə "Vətən uğrunda" medalı və 3-cü dərəcəli "Vətənə xidmətə görə" ordeni ilə təltif edilib.
