Gəncədə sahibsiz heyvanların zəhərləndiyi ilə bağlı iddialar səsləndirilib.
Gencexeber.az-a Aida İmanquliyeva küçəsinin (keçmiş Muxtar Hacıyev) sakinləri tərəfindən daxil olan çoxsaylı müraciətlərdə bildirilib ki, son günlər küçə heyvanlarının kütləvi şəkildə zəhərlənməsi halları müşahidə olunur.
Məlumata görə, naməlum şəxs və ya şəxslər tərəfindən ərazidə sahibsiz dolaşan itlər zəhərlənib. Sakinlərin sözlərinə görə, heyvanlarda zəhərlənməyə işarə edən əlamətlər – ağız və burun nahiyəsində köpüklənmə müşahidə olunub. Bu isə onların zəhərli maddə qəbul etməsi ehtimalını artırır.
Sakinlər məsələ ilə bağlı narahatlıq ifadə edərək aidiyyəti qurumların hadisəni araşdırmasını tələb edirlər.
