Gəncə şəhərində xəsarətlə nəticələnən yol-nəqliyyat hadisəsi baş verib.
Gencexeber.az-ın məlumatına görə, hadisə şəhərin Şah İsmayıl Xətai prospektində qeydə alınıb. "Chevrolet Cruze" markalı avtomobili idarə edən qadın sürücü qəfil manevr edərək qoşa xəttin tələblərini kobud şəkildə pozub. Nəticədə maşın yolun əks istiqaməti ilə hərəkət edən "VAZ-2115" markalı minik avtomobilinə çırpılıb.
Qəza nəticəsində "VAZ-2115" markalı avtomobildə olan Ramil Bayramov müxtəlif dərəcəli bədən xəsarətləri alıb. Yaralıya hadisə yerində ilkin tibbi yardım göstərilib. Nəqliyyat vasitəsi isə tamamilə yararsız hala düşüb.
Faktla bağlı araşdırma aparılır.
