Gəncədə güclü külək nəticəsində yol-nəqliyyat hadisəsi baş verib.
Gencexeber.az-ın məlumatına görə, hadisə şəhərin Şah İsmayıl Xətai prospektində qeydə alınıb.
Belə ki, küləyin təsirindən yol kənarında yerləşən işıq dirəyi aşaraq park edilmiş "Mitsubishi" markalı minik avtomobilinin və həmin vaxt hərəkətdə olan "Ford" markalı aztutumlu yük maşınının üzərinə düşüb.
Xoşbəxtlikdən hadisə zamanı xəsarət alan olmayıb. Lakin hər iki nəqliyyat vasitəsinə ciddi maddi ziyan dəyib.
Əraziyə aidiyyəti qurumların əməkdaşları cəlb olunub. Faktla bağlı araşdırma aparılır.
