Gəncədə 25 yaşlı gəncin qətli ilə bağlı cinayət işi başlanıb.
Xəbər verdiyimiz kimi, fevralın 3-də 2001-ci il təvəllüdlü Röyal Məmmədovun xəsarətlər alması, yerləşdirildiyi xəstəxanada ölməsi barədə şəhər prokurorluğuna məlumat daxil olub.
Bu barədə Gencexeber.az-a Gəncə şəhər prokurorluğundan məlumat verilib.
İlkin araşdırmalarla cinayətin 1988-ci il təvəllüdlü Murad Hacıyev tərəfindən törədilməsinə əsaslı şübhələr müəyyən edilib.
Faktla bağlı Gəncə şəhər prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, Murad Hacıyev prokurorluq tərəfindən iş üzrə şübhəli şəxs qismində tutulub.
İbtidai istintaq davam edir.
Qeyd edək ki, hər iki şəxs Vətən müharibəsi qazisidir.
