Gəncədə qəza baş verib.
Gencexeber.az-ın məlumatına əsasən, hadisə şəhərin Səbuhi Əliyev küçəsində qeydə alınıb.
Belə ki hərəkətdə olan "QAZ" markalı aztutumlu yük maşını yol kənarında dayanmış minik avtomobilinə çırpılıb.
Zərbənin təsirindən "QAZ" idarəetmədən çıxaraq ağaca çırpılıb.
Qəza zamanı 1984-cü il təvəllüdlü M.Məsimov və 1982-ci il təvəllüdlü V.Əliyev xəsarət alaraq xəstəxanaya yerləşdirilib.
Hadisə yerinə polis əməkdaşları cəlb edilib.
Faktla bağlı araşdırma aparılır.
