Gəncə "İmamzadə ziyarətgah" kompleksinə gələn vətəndaşlar sanitar qovşağın vəziyyətindən şikayət edirlər.
Gencexeber.az-a müraciət edən ziyarətçilərin sözlərinə görə, kompleksin sanitar qovşaqlarında su təchizatı yoxdur, üfunət səbəbindən içəridə dayanmaq belə mümkün deyil:
"Kir, murdarçılıq. Qapılar sınıq. Kabinələrin qapıları qırmızı lentlə bağlanıb ki, amandır, qapılar düşəcək, yaxınlaşmayın! Bir sözlə, bərbad", - ziyarətçi qadın gileylənib.
Sakinlər və ziyarətçilər məsələ ilə bağlı aidiyyəti qurumlardan kompleksdə mütəmadi təmizlik işlərinin aparılmasını və sanitar şəraitin normalara uyğun vəziyyətə gətirilməsini tələb edirlər.
