Gəncə şəhərində sərbəst güləşlə məşğul olmaq istəyən uşaqlar üçün ödənişsiz məşqlər təşkil olunub.
Gencexeber.az xəbər verir ki, məşqlər Azərbaycan Güləş Federasiyasının təşkilatçılığı ilə Gəncə Olimpiya İdman Kompleksində keçirilir. Proqrama əsasən, dərslər həftənin bütün günlərini əhatə edir və iştirakçılar iki fərqli qrup üzrə məşq keçirlər.
Birinci qrup 1-ci, 3-cü və 5-ci günlər saat 18:15-dən 19:45-dək, ikinci qrup isə 2-ci, 4-cü və 6-cı günlər eyni saat aralığında məşq edir.
Məşqlər Azərbaycan, Avropa və dünya çempionları yetişdirmiş təcrübəli məşqçilər — Sübhan İsmayılov və Vüsal Qarayev tərəfindən aparılır.
Qeyd edək ki, məşqlər tam ödənişsizdir və gənclərin idmana cəlb olunması, sağlam həyat tərzinin təşviqi məqsədi daşıyır.
Maraqlanan şəxslər (+994 55) 705 08 88 və ya (+994 55) 833 04 04 mobil telefon nömrələri ilə əlaqə saxlaya bilərlər.
