Gəncədə avtomobil yanıb.
Gencexeber.az-ın məlumatına görə, hadisə Gəncə şəhərinin Gülüstan qəsəbəsində baş verib. "Opel" markalı minik avtomobili hərəkətdə olarkən anidən alışıb.
Dərhal hadisə yerinə Göygöl Rayon Yanğından Mühafizə İdarəsinin yanğınsöndürən texnikası və şəxsi heyəti cəlb olunub. Yanğınsöndürənlərin operativ müdaxiləsi nəticəsində alov qısa müddətdə söndürülüb, avtomobilin digər hissələrinin yanğından mühafizəsi təmin edilib.
Hadisə nəticəsində xəsarət alan olmayıb. Yanğının başvermə səbəbləri araşdırılır.
