Gəncədə defektoloq-loqoped Aytac Əliyeva tərəfindən tam ödənişsiz əsaslarla loqopedik və psixoloji müayinələr təşkil olunacaq.
Gencexeber.az-ın məlumatına əsasən, Yeni ilin gəlişi münasibətilə keçiriləcək tibbi tədbirdən yaşından asılı olmayaraq hər kəs yararlana bilər. Psixoloji və loqopedik yoxlanışlardan keçib zəka testləri işləniləcək və pasiyentlərə xüsusi proqramlar tərtib ediləcək.
Müayinələr və konsultasiyalar aşağıdakı diaqnozlara aid olan şəxsləri əhatə edir:
- Kəkələmə;
- Psixi və nitq inkişaf ləngiməsi;
- Autizm;
- Daun sindromu;
- Dislaliya;
- Serebral iflic və digər oxşar hallar.
Pulsuz müayinələr yanvar ayının 5-dən 9-dək keçiriləcək. Əlavə məlumat və qeydiyyat üçün (055) 676 65 65 nömrəsi ilə əlaqə saxlamaq mümkündür.
