Gəncədə iməcilik təşkil olunub.
Gencexeber.az-a Gəncə Şəhər İcra Hakimiyyəti Mənzil Kommunal Təsərrüfatı İstehsalat Birliyi (MKTİB) tərəfindən verilən məlumata görə, şəhərin prospekt və küçələrində genişmiqyaslı təmizlik aksiyası həyata keçirilib. İməcilik təmizlik işləri şəhərin Şah İsmayıl Xətai, Heydər Əliyev və Atatürk prospektində, eləcə də, bu prospektlərlə kəsişən küçə və döngələrdə aparılıb.
MKTİB-nin Ərazi Xidmət Sahələrinin əməkdaşlarının iştirakı və qurumun texnikaları vasitəsi ilə adıçəkilən ərazilər məişət tullantılarından, alaq otlarından, eləcə də toz-torpaqdan təmizlənib. Yığılan tullantılar bir yerə toplanaraq ərazidən daşınması təmin edilib. Sözügedən ərazilərdə mövcud olan zibil qutuları boşaldılıb, ətrafı təmizlənərək səliqə-sahman yaradılıb.
Qeyd edilib ki, MKTİB tərəfindən şəhərin müxtəlif yaşayış massivləri üzrə, müxtəlif tutumlu köhnə zibil konteynerlərinin yeniləri ilə əvəzlənməsi işləri də aparılır.
