"Bu il Qarabağda insana aid 50-ə yaxın skelet qalıqları aşkarlanıb və ailələrinə təhvil verilib".
Bunu apa.аz-a Azərbaycan Milli Elmlər Akademiyasının Arxeologiya və Antropologiya İnstitutunun məhkəmə arxeologiyasının şöbə müdiri Akif Quliyev bildirib.
"Ümumilikdə 4 minə yaxın itkinimiz var. Onlardan 500 nəfərə yaxını aşkar edilib və qalıqları laboratoriyaya göndərilib", - Akif Quliyev qeyd edib.
O bildirib ki, şöbə tərəfindən Tərtər, Beyləqan, Gəncə məzarlıqlarında naməlum qəbirlərin ekshumasiyası həyata keçirilib.
