Gəncə şəhərində dördüncü sinif şagirdi sinif yoldaşının gözünə qayçı ilə xəsarət yetirib.
Gencexeber.az-ın məlumatına əsasən, hadisə İsmət Qayıbov adına 1 nömrəli orta məktəbdə qeydə alınıb.
Məktəbə təcili tibbi yardım avtomobili çağırılıb.
2016-cı il təvəllüdlü S.Hüseyinli Gəncə şəhər Göz Xəstəxanasına çatdırılıb. Ona tibbi yardım göstərilib, vəziyyəti stabildir.
İlkin ehtimala görə, hadisə ehtiyatsızlıqdan baş verib.
