Gəncə şəhəri Nadir Hüseynov adına 38 nömrəli tam orta məktəbdə xoşagəlməz hadisənin baş verməsi ilə bağlı iddialar səsləndirilib.
Gencexeber.az-a daxil olan şikayətlərə əsasən, təhsil müəssisəsinin bir neçə yuxarı sinif şagirdi sinif otağında divardan asılmış şəkilləri yumruqla sındırıb. Bundan başqa, qapının təpikləndiyi və yumruqlandığı bildirilir. Yayılan görüntülərdən hadisənin müəyyən müddət davam etdiyi bəlli olur.
Sözügedən video sosial şəbəkələrdə paylaşılıb və müzakirələrə səbəb olub. Hadisənin hansı səbəbdən baş verdiyi hələlik məlum deyil.
Məsələ ilə bağlı Gəncə-Daşkəsən Regional Təhsil İdarəsinə sorğu ünvanlanıb. Aidiyyəti qurumun mövqeyi açıqlandıqdan sonra əlavə məlumat veriləcək.
