Gəncədə Sadıllı qəsəbəsində 17 saylı orta məktəbin yaxınlığındakı Validə xanım Tutayuq küçəsində ciddi təhlükə yaranıb.
Məsələ ilə bağlı Gencexeber.az-a şikayət ünvanlayan gəncəlilərin sözlərinə görə, sözügedən küçədəki səki bəzi sakinlər tərəfindən hasarlanıb və ya ağac əkilməklə zəbt edilib:
"Nəticədə piyadaların hərəkət zolağı tamamilə məhdudlaşdırılıb.
Bu səbəbdən hər gün yüzlərlə şagird 17 saylı məktəbə gedərkən avtomobil yolu ilə təhlükəli şəkildə hərəkət etməyə məcbur qalır".
Sakinlər aidiyyəti qurumlardan tələb edirlər ki, yol kənarındakı qanunsuz çəkilmiş sədlər və maneələr aradan qaldırılsın, küçə boyunca təhlükəsiz piyada səkisi salınsın.
