Xəbər verdiyimiz kimi, noyabrın 30-da Gəncə şəhərinin Heydər Əliyev prospektində Yaşar Əhmədovun səhhəti qəfil pisləşib və o, yerə yıxılıb.
Gencexeber.az-ın məlumatına görə, 1963-cü il təvəllüdlü Yaşar Fərman oğlu Əhmədovun həyatda qalması üçün həkimlər üç həftə ərzində mübarizə aparıblar.
Əfsus ki, beyninə qan sızan 62 yaşlı kişinin həyatını xilas etmək mümkün olmayıb. O, dekabrın 19-da vəfat edib. Bu gün isə Gəncə şəhərində torpağa tapşırılacaq.
Qeyd edək ki, Yaşar Əhmədov uzun illər Telman Hacıyev adına 2 saylı uşaq musiqi məktəbində qarmon müəllimi kimi çalışıb. Bir neçə nəslin musiqiçi kimi yetişməsində mühüm rol oynayan Yaşar müəllim şagirdlərinin sevimlisi idi.
Allah rəhmət etsin.
