Gəncədə zavodda yanğın başlayıb.
Gencexeber.az-ın məlumatına görə, Gəncədə Dəyirman dairəsi adlanan ərazidə yerləşən köhnə kərpic zavodunun binasında yanğın başlayıb.
Hadisə yerinə Fövqaladə Hallar Nazirliyinin (FHN) Gəncə Dövlət Yanğından Mühafizə İdarəsinin canlı qüvvəsi və texnikası cəlb olunub.
İlkin məlumata görə, yanğın tikilinin üçüncü mərtəbəsində başlayıb. Hazırda alovun söndürülməsi istiqamətində iş aparılır.
Məlumat üçün bildirək ki, müəssisə uzun müddətdir fəaliyyət göstərmir. Lakin binada bir neçə sex yerləşir.
