Gəncə şəhərində 57 yaşlı kişi münaqişə zəminində arvadını döyüb.
Demokrat.аz xəbər verir ki, hadisə onların birgə yaşadığı evdə baş verib.
Gəncə şəhər sakini, 1968-ci il təvəllüdlü Mehdi şəxsi münasibət zəminində aralarında baş vermiş mübahisə zamanı plastik boru ilə arvadı Elmiranın sağ bilək, sol baldır və kürək nahiyəsindən vurub.
Hadisəni törədən Mehdinin barəsində Cinayət Məcəlləsinin 128-ci (qəsdən sağlamlığa zərər vurma) maddəsi ilə ittiham elan edilib.
Bu işə Gəncə Şəhər Məhkəməsində baxılıb.
Məhkəmədə məlum olub ki, təqsirləndirilən şəxs zərərçəkənlə barışıq əldə edib. Buna görə də zərərçəkən təqsirləndirilən şəxsə qarşı şikayətini geri götürüb.
Məhkəmənin hökmü ilə təqsirləndirilən şəxsin barəsində Cinayət Məcəllənin 73.2-ci maddəsi tətbiq edilib.
O, cinаyət məsuliyyətindən аzаd edilib və iş üzrə icraata xitam verilib.
