Gəncə şəhəri ərazisində bıçaqlanma hadisəsi qeydə alınıb.
Gencexeber.az-ın məlumatına görə, 2002-ci il təvəllüdlü Veysəl Rzayev kəsilmiş-deşilmiş yaralarla xəstəxanaya yerləşdirilib. Zərərçəkənə təcili tibbi yardım göstərilib, əməliyyat olunub. Onun vəziyyəti orta-ağır qiymətləndirilir.
Məlumata görə, bıçaqlanan şəxs "Kəpəz" futbol klubunun oyunçusudur. O, ötən ay qış transfer pəncərəsi dövründə "Turan Tovuz"dan "Kəpəz"ə transfer olunub.
Faktla bağlı hüquq-mühafizə orqanları tərəfindən araşdırma aparılır. Hadisənin təfərrüatları dəqiqləşdirilir.
