Gəncə şəhər Kommunal Təsərrüfatı İstehsalat Birliyinin (MKTİB) Yaşıllaşdırma şöbəsinin Gülçülük sahəsində yerləşən istixanalarda yaz mövsümündən başlayaraq şəhər ərazisinə köçürüləcək güllərin qablaşdırma prosesi aparılır.
Gencexeber.az-ın məlumatına əsasən, hazırda istixanalarda primula, geran, levkoy, siklomen, pion və digər müxtəlif növ gül şitillərinin xırda qablardan iri ölçülü qablara köçürülməsi aparılır.
Ümumiyyətlə Gülçülük sahəsində toxumdan alınan, təxminən 150 min ədədə yaxın müxtəlif gül şitili becərlilib və proses davam etdirilir. İstixanalarda yanvar ayında əkiləcək və yay mövsümünə qədər inkişaf edəcək güllərin toxumları da tədarük olunub və yaxın vaxtlarda həmin toxumların əkini aparılacaq.
Qeyd edək ki, MKTİB-nin Gülçülük sahəsində ixtisaslı bağbanlar tərəfindən toxumdan alınan şitillər kök verəndən sonra münbit torf - torpaq və kokobit qarışıqlı qablara əkilir. Qış mövsümünü xüsusi aqrotexniki qulluq göstərilməklə istixanada vegetasiya dövrü keçən güllər yaz aylarında şəhər ərazisinə əkiləcək.
