Gəncə şəhərində əmək yarmarkası keçiriləcək.
Gencexeber.az məlumat verir ki, Gəncə-Daşkəsən Regional Məşğulluq filialı tərəfindən təşkil ediləcək yarmarkaya gələn namizədlərin şəxsiyyət vəsiqələrini təqdim etmələri mütləqdir. Namizədlərin CV nümunəsi ilə birlikdə gəlmələri arzuolunandır.
Tədbirdə iştirak edən şəxslərə vakansiyalar, iş öhdəlikləri və şərtlər haqqında ətraflı məlumat təqdim olunacaq.
Yarmarka şəhərin Azərbaycan Bayrağı küçəsi 78 (Gəncə Dövlət Milli Dram Teatrı) ünvanında dekabrın 10-u saat 11:00 -dan 13:00-dək keçiriləcək.
