Gəncə şəhərinin Ozan küçəsi 4-cü dalanda yerləşən işıq dirəyi qəzalı vəziyyətdədir.
Gencexeber.az-a sakinlər tərəfindən daxil olan şikayətlərə əsasən, sözügedən dirək aşmaq üzrədir və hər an ciddi təhlükə yarada bilər. İddialara görə, məsələ ilə bağlı "Azərişıq" ASC-yə dəfələrlə müraciət edilsə də, artıq 3 ildir heç bir tədbir görülməyib.
Ərazi sakinləri narahat olduqlarını bildirirlər. Onların sözlərinə görə, güclü küləkli hava şəraitində dirəyin əsdiyini müşahidə ediblər. Bu isə həm piyadalar, həm də yaxınlıqda yaşayanlar üçün risk yaradır.
Gəncəlilər aidiyyəti qurumdan problemin təcili şəkildə aradan qaldırılmasını tələb edirlər.
