Gəncədə aparılan abadlıq-quruculuq işləri çərçivəsində şəhərin estetik görünüşünə gözəlliyini qatan müxtəlif tutumlu və formalı güldanlar, işıq dirəkləri, məhəccərlər Mənzil Kommunal Təsərrüfatı İstehsalat Birliyi (MKTİB) tərəfindən yenilənib və ya boyanıb.
Gencexeber.az bildirir ki, qurumun Təmir-tikinti və Qəza xidməti şöbəsi tərəfindən Cavadxan küçəsində və ətraf ərazilərində mövcud olan güldanların təbii aşınmalara məruz qalan hissələri ağ və qəhvəyi rənglə boyanıb, məhəccərlər isə demontaj edilib.
Güldanların mərhələli şəkildə yenilənməsi həyata keçiriləcək.
Bununla yanaşı Heydər Əliyev prospektindəki rəngi solmuş işıq dirəkləri boyanıb, təmirə ehtiyacı olan dirəklərdə yenilənmə aparılıb.
