Gəncə şəhər Mənzil Kommunal Təsərrüfatı İstehsalat Birliyinin (MKTİB) Ərazi Xidmət Sahələri tərəfindən şəhərin "Dəmiryolçular" parkında, Şah İsmayıl Xətai prospektində, Mehdi Hüseynzadə və Xəqani küçəsində və təmizlik işləri görülüb.
Gencexeber.az bildirir ki, iməcilik aksiyasına qurumun canlı qüvvəsi və texnikaları cəlb olunub. Sözügedən ərazilər məişət tullantılarından, alaq otlarından, xəzəldən və toz-torpaqdan təmizlənib.
Bundan başqa aksiya çərçivəsində "Dəmiryolçular" parkının ərazisində yerləşən Məmməd Əmin Rəsulzadənin büstü və 2-ci Dünya Müharibəsinin xatirə abidəsinin ətrafında səliqə-sahman yaradılıb.
Ərazidə mövcud yaşıllıq zolağına aqrotexniki qulluq göstərilib, ağacların budanması təmin edilib. Məişət tullantıları üçün qoyulan konteynerlər boşaldılıb, ətrafında təmizlik işləri görülüb.
