Gəncə şəhəri Səfxan Səfxanov küçəsində (əvvəlki Mirbəylər Qasımov küçəsi) su borusu partlayıb.
Gencexeber.az-a sakinlər tərəfindən verilən məlumata görə, "Tekstilni" adlanan ərazinin yaxınlığında sözügedən problem artıq illərdir davam edir. Dəfələrlə aidiyyəti qurumlara müraciət edilməsinə baxmayaraq, məsələ öz həllini tapmayıb.
Hazırda su yol boyunca axır, nəticədə ərazi palçığa qərq olur. Sakinlərin sözlərinə görə, sızan su yaxınlıqdakı binaların divarlarının alt hissəsini də yuyur və bu, konstruksiyaya zərər vurur.
Şəhər sakinləri problemi həll etmək üçün müvafiq qurumlardan təcili tədbir görülməsini tələb edirlər.
