Gəncə Regional Turizm İdarəsi tərəfindən Gəncə şəhərində fəaliyyət göstərən yerləşmə müəssisələrində monitorinq baş tutub.
Gencexeber.az bildirir ki, monitorinq çərçivəsində "Lukoil Motel", "Karvansaray hotel", "Emon hotel", "Rahat Hostel" və "Areen Motel" müəssisələrinə baxış keçirilib.
Monitorinq zamanı müəssisələrdə yaradılmış mövcud şərait, son dövrlərdə aparılmış yenilənmə və təmir işləri, habelə təqdim olunan xidmətlərin ümumi səviyyəsi yerində qiymətləndirilib. Eyni zamanda, obyektlərin fəaliyyəti ilə bağlı mövcud vəziyyətə dair ətraflı tanışlıq aparılıb, son dövrlərdə baş vermiş yeniliklər və inkişaf istiqamətləri qeyd edilib.
Qeyd olunan monitorinqin məqsədi regionda turizm xidmətlərinin keyfiyyətinin artırılması, yerləşmə müəssisələrinin fəaliyyətinin mövcud tələblərə uyğunluğunun qiymətləndirilməsi və turizm potensialının daha da inkişaf etdirilməsindən ibarətdir.
