Gəncəyə yağan güclü yağış fəsadlara səbəb olub.
Gencexeber.az-a şikayət ünvanlayan qəsəbə sakinləri bildirib ki, bu gün səhər saatlarından yağan güclü yağış nəticəsində şəhərin Məhsəti qəsəbəsində bir neçə küçədən sel keçib.
Sel suları qəsəbədə insanların və avtomobillərin hərəkətinə çətinliklər yaradıb, evlərə ziyan vurub.
Sakinlər bununla bağlı aidiyyəti qurumlara məlumat veriblər.
Hazırda qərb bölgəsində yağışlı hava şəraiti davam edir.
